Kandidatja për deputete nga LDK-ja, Rrezarta Krasniqi, për të cilën është bërë e ditur se ka marrë votat që i sigurojnë ulëse në Kuvend të Kosovës, ka bërë një apel për ndihmë. Ajo u kërkon të gjithë personave që mund të kenë parë kushëririn e saj, Musli Krasniqi, të lajmërojnë në polici.
Në një shkrim të bërë në Facebook deputetja sqaron se kushëriri është larguar para disa ditësh nga banesa e tij, duke mos lënë gjurmë. Ajo shton se familjarët janë të shqetësuar për fatin e Muslit.
Gjithashtu, sipas Rrezartës, kushëriri është larguar në datë 28 tetor nga banesa. Deputetja shton se policia e Kosovës ka nsiur kërkimin, por nëse dikush e shikon apo njeh këtë person, të informojë për vendndodhjen e tij.
APEL!
Nga data 28 e këtij muaji kushëriri im Musli Krasniqi, nga fshati Begaj i Vushtrrisë është larguar nga shtëpia pa lënë asnjë adresë për destinacionin e tij. Mbesim të shqetësuar për fatin e tij. Për rastin është njoftuar edhe Policia e Kosovës e cila ka nisur kërkimin.
Ju jam mirënjohese nëse dikush nga ju na informon për vendodhjen e tij.
Discussion about this post