Melanie Trump nuk ka pasur asnjë dalje të saj publike që pas operacionit që kreu pak ditë më parë në veshka.
Duke marrë parasysh gjendjen e saj, zonja e parë e SHBA-ve, nuk do të marrë pjesë as në Saimitin e vendeve të G7-tës, duke e lënë bashkëshortin e saj të vetëm.
Po ashtu burime për mediat nga shtëpia e bardhë, thanë se ajo nuk do të shoqërojë Trump-in as në datën 12 Qershor, ku është parashikuar që të mbahet takimi mes SHBA-ve dhe Koresë së Veriut.
“Ajo nuk do të marrë pjesë në takimin e G7 dhe nuk ka plan të udhëtojë drejt Singaporit këtë herë,” tha zëdhënësja e saj Stephanie Grisham në një e-mail të dielën, njofton Reuters.
Shtëpia e Bardhë njoftoi të dielën se presidenti dhe Zonja e Parë do të organizonin të hënën një pritje për familjet e anëtarëve në shërbim që u vranë në krye të detyrës. Pritja nuk do të jetë e hapur për mediat, shtoi Shtëpia e Bardhë.
Mesa duket mediave do iu duhet edhe ca kohë që të spekulojnë, derisa të ketë një pamje të zonjës së parë pas operacionit në veshka.
(E.K/FAXWEB.AL)
Discussion about this post