‘Zhduket’ Nuel Kalaj, nuk gjendet as në Kosovë, as në Tiranë dhe as në Francë

Nuel Kalaj nuk është gjetur në banesën e tij në Tiranë, ndërsa është thirrur si dëshmitar për çështjen CEZ.

Hetuesit kanë dërguar fletë thirrje në adresat e tij zyrtare të banimit në Tiranë, Kosovë dhe Francë, por pas kërkimeve nuk u gjet.

Gjithashtu hetuesit e çështjes i kanë dërguar letër porosi autoriteteve çeke për të siguruar dokumentacionin mbi privatizinim e CEZ.

Kujtojmë se Kalaj nuk ka dëshmuar as në Komisionin Parlamentar të ngritur për çështjen në fjalë. 

Sipas kallzimit të bërë nga komisioni hetimor parlamentar i ngritur nga Partia Socialiste Nuel Kalaj ka patur rolin e ndërmjetësit mes shtetit shqiptar dhe kompanisë CEZ.

Deri tani janë marrë në pyetje djali i ish-kryeministrit Sali Berisha, Shkëlzen Berisha dhe ish-ministri i energjitikës Genc Ruli.

(E.K/FAXWEB)