Zhduket prej tri ditësh ambasadori grek në Brazil, nisin hetimet

Prej tri ditësh, Kyriakos Amoiridis, Ambasadori Grek në Brazil rezulton i zhdukur.

Menjëherë kanë nisur hetimet dhe kërkimet për gjetjen e tij.

Policia braziliane ka bërë të ditur për mediat se ambasadori rezulton i zhdukur që prej ditës së hënë dhe ende nuk ka asnjë gjurmë të tij.

Ndërkohë gruaja e ambasadorit ka thënë në polici se nuk ka kontaktuar me bashkëshortin e saj që prej ditës së hënë. Atë ditë, ajo tregon se ishin në pushime në shtëpinë e tyre në Nova Iguaçu, dhe pas përfundimit të pushimeve nuk ka asnjë informacion për vendndodhjen e bashkëshortit.

Kyriakos Amoiridis ishte ambasador në Rio nga viti 2001 deri në vitin 2004, ndërsa në janar të këtij viti, ai u bë ambasador grek në Brazil. (M.D/SHUPLAKA)