Zhdukja e 1300 kontenierëve, CNN: 5 qytetet shqiptare ku janë groposur lëndët kimike

Zhdukja e 1300 kontenierëve me lëndë kimike, pas bujës në mediat italiane është komentuar edhe në CNN grek. Në gjuhën greke, CNN shkruan se në Shqipëri kanë nisur tashmë hetimet lidhur me zhdukjen e 1300 kontenierëve.

Në artikull bëhet e ditur se është pikërisht Prokuroria e Durrësit që ka nisur hetimin menjëherë pas skandalit. Duke iu referuar “Pianeta Italia News” dhe gazetës italiane “Roma”, CNN grek shkruan se mbetjet e rrezikshme me destinacion Maqedoninë nuk mbërritën kurrë atje.

Në artikullin e tij në gjuhën greke, CNN ndalet edhe tek akuzat e ish-kryeministrit Sali Berisha dhe qytetet mendohet se janë zhdukur mbetjet kimike.

“Durrësi, Fieri, Vlora, Shkodra dhe Dibra, janë qytetet ku dyshohet se janë zhdukur kontenierët me lëndë kimike të ardhura nga Italia.”, shkruan CNN grek. (XH.A/SHUPLAKA)