Gëzim Hysaj dhe nipi i tij Agron Mollaj në Shkodër prej gjashtë ditësh janë shpallur të zhdukur nga ana e familjarëve të tyre.
Të kontaktuar sot nga ana e gazetares së Fax News Emi Kalaja familjarët e të dy personave të zhdukur shprehen të frikësuar për ngjarjen, dhe tregojnë se gjithçka ka nisur me një telefonatë.
Dikush kishte marrë në telefon Gëzimin dhe ky i fundit kishte shkuar në Shkodër për të pirë kafe me të. Një orë pas tij zhduket edhe nipi, dhe derimë tani ende nuk ka asnjë të dhënë për gjendjen apo vendodhje e tyre.
‘’Kjo është një ngjarje e rëndë që na ka ndodhur. Burri s’ka pasur asnjë problem me asnjë person. Ka qënë në 23 gusht ora 20 e 20 minuta e mbrëmjes, më ka thënë do kthehem në shtëpi se do pi kafe me një shok, e morën në telefon. Unë i rashë telefonint të tij pas një ore, telefoni doli i fikur. Nuk di më asgjë për të që nga ai moment. I bëj apel mediave dhe ministrit Xhafaj të na ndihmojnë’’, shprehet bashkëshortja e Gëzim Hysajt.
Nga ana tjetër një pistë kryesore ka dalë së fundi për këtë ngjarje, dhe është ajo e hakmarrjes. Bëhet fjalë pët një vrasje të vitit 1996 ku mendohet të jetë përfshirë nipi.
https://www.youtube.com/watch?v=JTXUE_D02ZQ&feature=youtu.be
(E.K/FAXWEB.AL)
