Ditën e djeshme u publikua dhe sondazhi i tretë në nivel kombëtar i IPR Marketing dhe Ora News. Sipas rezultateve të publikuara Partia Demokratike kishte një rënie me 5% të mbështetjes nga java e shkuar.
Duke komentuar këtë rezultat analisti Artur Zheji tha se Basha duhet të ndalet te gabimet. Duke qenë se ai nuk e ka përjashtuar mundësinë e një kolacioni me Ramën elektorati, thotë analisti është mjaft i hutuar.
“Nuk kemi një deklaratë të qartë të Bashës që të thotë kurrë me PS-në nuk do të qeverisim me Ramën, sepse është Rama i krimit, i drogës. Duke ulur këtë ton, ok ka mbajtur paqen sociale, por ka hutuar elektoratin. Ai thotë ku është armiku?
Rama jo është jo s’është, as mish as peshk, as mashkull as femër dhe kjo krijesë amorfe ka krijuar këtë paqartësi. Megjithatë, ka kohë opozita që të lërë seksin hibrid dhe të thotë siç e tha Berisha para ca ditësh që nuk do të ketë koalicion PD-PS pas 25 qershorit.
Nuk u amplikua dhe natyrisht Fuga me shokë që kontrollojnë të gjithë median shqiptare. Basha duhet të kuptojë këtë bilanc dhe të kuptojë se ka gabuar. Kryesorja, trendi kryesor është qartësimi i elektoratit se çfarë do të bëjë pas 25 qershorit. Në qoftë se do të rrijë prapë në opozitë është demoralizim, në qoftë se do të vijë në pushtet kalon nga LSI-ja”, deklaroi dje Zheji. (E.K/SHUPLAKA)
Discussion about this post