Analisti dhe gazetari Artur Zheji është bërë pjesë e “serialit” të debatit mes moderatores Ilda Bejleri dhe Mustafa Nano.
Pas shumë replikave dhe kundër replikave mes dy personazheve Nano-Bejleri, që kanë devijuar edhe në ofendime personale e krahinore, pjesë e debatit është bërë dhe Zheji.
Në reagimin e tij, Zheji thotë se Nano nuk merret me problemin real që është në vendin tonë sipas tij, qeverisja e Ramës, por me gjoksin e Bejlerit.
Sidoqoftë, shkruan Zheji, gjoksi i moderatores është shumë herë më i ndershëm se qeverisja e sotme.
Reagimi i plotë:
“Një debat me pak apo aspak thelb ky që lidhet me gjoksin sharmant të Ildës, ose më saktë me dekoltenë e saj dhe linjat trupore të vajzës simpatike të ekraneve.
Kjo më kujton i dashur Muç, një episod nga kinemaja italiane në kohën e fashizmit, vite më parë kuptohet. Asokohe u shpikën filmat rozë, që të largonin vëmendjen e italianëve nga lufta që po përgatiste Musolini dhe këto “seriale” u mbiquajtën filmat e “telefonave te bardhë”, pasiqë shumica e dialogëve zhvillohej në telefonat e porsa shpikur të viteve ’30…
Telefona të bardhë për zonjushat elegante dhe të veshura lehtë për kohën.
Ndërkohë kërcisnin arrestimet politike të antifashistëve. Ndërsa kritika debatonte për melodramën e filmave të Telefonave të Bardhë.
Ndërkohë pra, edhe ky debati për “Gjoksin e begatë” të Ildës, është të kërkosh qimen në syrin e kësaj çupe të hirshme, kur trau i qeverisë dhe kamzhiku i oligarkëve, detyron shqiptarët të braktisin Shqipërinë përmes lotëve.
Kjo është gjithmonë zgjedhja jote sovrane Muçi, por unë mendoj se: Gjoksi i Ilda Bejlerit, është më i ndershëm dhe shumë më i fisëm se qeverisja e sotme apo se gjoksi prej silikoni i ca grave në pushtet…”, shkruan Zheji në 360gradë.al.
(F.G/Faxweb.al)
Discussion about this post