Kryeministri Rama prezantoi dje platformën e bashkëqeverisjes me qytetarin që sipas tij do të krijojë një marrëdhënie të re me njerëzit dhe do të luftojë korrupsionin.
Mirëpo për kordinatoren e PD-së, Ina Zhupën, asnjë portal që hap Rama nuk funksionon për të luftuar korrupsionin, madje ajo kujton edhe portalet e mëparshme që ka hapur qeveria dhe që kanë dështuar.
Zhupa thotë se as ky portal nuk dp funksionojë sepse ata që denoncohen aty janë nga rrethi I Ramës, ku vetë ky I fundit do të bëjë dhe Maliqin dhe ligjin
REAGIMI I ZHUPËS:
Rama vazhdon shpall hapje të portaleve që do të zgjidhin korrupsionin në administratën shtetërore dhe do japin të drejtat qytetarëve. Nuk është hera e parë që hap të tilla dhe siç është tradita nuk do jetë as e fundit. Rama hapi stopkorrupsioni.al dhe hic asgjë. Hapi trasparenca.al dhe hic prap asgjë. Hapi portalin mësues për Shqipërinë dhe përsëri hiç asgjë se ata që deshën morën në punë dhe ata që nuk dilnin emrat në emailet e partisë socialiste nuk kishin më punë.
Portalet e Ramës nuk funksionojnë sepse ata që denoncohen aty, ata që bëjnë korrupsionin, që kanë lidhje me oligarkët janë rrethi i tepsisë ku Maliqi që bën ligjin është vetë Rama. Kështu që sa kohë të jetë Maliqi nuk ka portal që mund të kthej të drejtën e ligjit qytetarëve.
Mirëpo hapja e portaleve nuk e ka shpjegimin tek meraku për mirëqeverisje por tek fiksimi i Ramës për të kapur edhe portalet në Shqipëri. Ku ka dështuar dhe sja ka dalë dot, siç ka bërë me mediat tradicionale. (B.H/Shuplaka)
Discussion about this post