Historiani Romeo Gurakuqi, njëherazi deputet i Partisë Demokratike, ka qenë i pranishëm në studion e lajmeve në Fax News, ku ka folur për çështjen e zhvendosjes së arkivave nga disa nga qytetet kryesore.
Gurakuqi ka thënë se lëvizja nuk është e duhur.
Ai ka thënë se lëvizja rrezikon të shoqërohet me humbje të dokumentacionit dhe të krijojë kaos në dosjet e pronave.
“Duhet mbrojtur dokumentacioni i arkivit. Kemi një kaos në aspektin e pronave.
Nëqoftëse bëhet fjalë për një plan të caktuar, duhet të ketë një strategji. Duhet të kishte një centralizim. Qeveria nuk do të krijojë një arkiv të plotë, në një ndërtesë të madhe, të sistematizuar për studiuesit dhe për qytetarët.
Nuk janë në rendin e ditës së kësaj qeverie. Arkivi britanik ka çdo gjë në rregull. Duke hequr arkivat nga 4 polet kulturore drejt periferive, këtu ndahemi me zotin Bido, pavarësisht respektit. Po goditet memoria e qytetit të Shkodrës. Ato që bënë në nëntor të ’44-ës, e bëjnë sërish”-ka thënë Gurakuqi.
Përgjigjen e ka marrë drejtpërdrejtë nga drejtori i Arkivës Qendrore, Ardit Bido. Në një lidhje telefonike, Bido ka thënë se kjo reformë nuk prek qytetarët, pasi qytetarët aplikojnë në Postë dhe marrin përgjigje në Postë.
“Do ruhen në kushte të mira. Do lëvizen sepse janë në kushte skandaloze, në fabrika duhani, në lagështirë. Qytetarët nuk preken aspak nga kjo reformë. Ata aplikojnë tek Posta, marrin përgjigje tek Posta. Qytetari merr përgjigjen brenda afatit. Në vitin 2003 u vendos që do kishte 12 arkiva qendrore. Arkivi nuk duhet politizuar. Studiuesi është ai që i shërben arkivit historik. Në rastin e studiuesve, mund t’i konfirmojë kushdo të dhënaδ-tha Bido.
(F.G/Faxweb.al)
Discussion about this post