Kryetarja e parlamentit Elisa Spiropali mbajti sot një fjalim nga foltorja e Kuvendit, ku po mbahet ceremonia e sesionit XII plenar të Asamblesë Parlamentare të procesit të bashkëpunimit të Europës Juglindore në kuadër e presidencës shqiptare.
Spiropali tha se Shqipëria po e përmbyll me sukses kryesimin e këtij procesi gjatë periudhës 2024-2025, teksa theksoi se vendi ynë po ecën me hapa të shpejt drejt Bashkimit Europian.
Spiropali nënvizoi ndër të tjera rëndësinë e bashkëpunimit rajonal, si një gur themeli për përpjekje të përbashkët për vendet që aspirojnë BE-në.
Elisa Spiropali: Mirë se erdhët në ceremoninë e sesionit XII plenar të Asamblesë Parlamentare të procesit të bashkëpunimit të Europës Juglindore në kuadër e presidencës shqiptarë. Shqipëria po përmbyll me sukses kryesimin e këtij procesi gjatë periudhës 2024-2025.
Shqipëria po ecën me hapa të shpejtë drejt BE-së .. Shqipëria i ka shërbyer sigurisë dhe paqes në mandatin e saj të suksesshëm si anëtare jo e përhershme e këshillit të sigurimit të Kombeve të Bashkuara gjatë vitit 2022 dhe 2023.
Përshpejtimi i ritmeve për anëtarësimin në Bashkimin Evropian është njëkohësisht një stimul edhe për vendete e tjera të rajonit, sepse ne e konsiderojmë procesin e bashkëpunimit të Europës Juglindore si një mekanizëm të fuqishëm jo vetëm që synon të forcojë marrëdhëniet e fqinjësisë së mirë por edhe të promovojë dialogun dhe të nis bashkëpunimin në nivel konkret dhe të forcojë besimin ndërmjet shteteve dhe mundësi për të bashkërenduar përpjekjet në procesin e integrimit europian të vendeve tona. Presidenca shqiptare kontribuoi në intensifikimin e bashkëpunimit rajonal.
