Ministri Blendi Klosi ka vendosur t’i kalojë së bashku me familjen e tij në brigjet e Dhërmiut, këto ditë Korriku, duke qëndruar dhe pak larg politikës.
Ai është baba i dy fëmijëve, Aroni 8 vjeç dhe Ambla 6 vjeçe, të cilët i duan pushimet edhe më shumë se prindërit. I ftuar në emisionin ‘Pushime on Top’, Klosi ka thënë se koha e humbur me fëmijët është pengu i tij më i madh.
“Ndjehem shumë deficitar në kohën që kaloj me fëmijët. E kam peng shumë të madh se harxhoj pak kohë me ta, aq më tepër në këtë moshë që të japin gjithçka, emocione, dashuri”, – tha ministri. Më tej ai ka shtuar se me djalin ka gati një lidhje si shok dhe tashmë që ai është më i rritur mund të diskutojnë bashkë për shumë tema.
Pavarësisht se vetë është prej vitesh pjesë e politikës shqiptare, Klosi ka thënë se djalin nuk do ta lejonte asnjëherë të bëhej politikan ose futbollist. Ndërsa për marrëdhënien me bashkëshorten e tij, Norën ai ka thënë: “Me Norën jemi shumë mirë dhe shpresoj mos ma marrësh në sy. Jemi të dy që e jetojmë jetën në të gjitha dimensionet e saj dhe duam shumë që ta ndjejmë veten të rinj”.
(E.K/FAXWEB.AL)
Discussion about this post