Kryetari i Aleancës për Shqiptarët në Maqedoninë e Veriut, Ziadin Sela i ftuar në Fax News foli në lidhje për marrëveshjen midis BDI-së LSDM-së, ku sipas tij është nuk bëhet fjalë për një qeveri të qëndrueshme.
Ziadin Sela theksoi se marrëveshja midis dy partive u karakterizua nga një mashtrim i madh që u ndodhi shqiptarëve, kjo pasi u premtua se kryeministri do të ishte shqiptar.
Sipas Selës BDI duhet të kishte shkuar në opozitë pasi nuk e mbajti premtimin, ndërkohë që shtoi se një kryeministër shqiptar do të ishte thjeshtë një mbulesë.
Me tej gjatë intervistës, Sela ka hedhur akuza kundrejt BDI-së se ka frikësuar me dhe ka blerë me para vullnetin e qytetarëve, ndërkohë që ka shtuar se po ashtu janë manipuluar edhe procesverbalet, pasi votat e hedhura në kuti nuk korrespondojnë me procesverbalët tek të cilët janë dhënë rezultatet.
“Sot ka pasur dhe zhvillime të tjera dhe nuk ma merr mendja se gjithçka ka përfunduar. Numra që u morën vesh LSDM dhe BDI nuk bëhet fjalë për një qeveri stabile, pasi kanë në total 62 deputetë.
Bëhet fjalë për një qeveri e cila ka shumë pakënaqësi, 61 që është minimumi i shumicës nuk është siguruar. Kjo marrëveshje u karakterizua nga një mashtrim i madh që u ndodhi shqiptarëve. BDI me siguri që ju e dini në këto zgjedhje pati një dhe vetëm një premtim dhe kjo ishte vetëm kryeministri shqiptar. U bë marrëveshja, kryeministrin shqiptar nuk e pamë dhe si të tillë ato duhet të shkojnë në opozitë. Mendoj se shqiptarëve në Maqedoninë e Veriut shqiptarëve ju duhen më pak pozicionime individësh shqiptar dhe më tepër u duhen të drejta për shqiptarët.
Do të parapëlqeja një ligj që avancon çështjen shqiptare në Maqedoninë e Veriut dhe i bën më të barabartë ato, sesa do të parapëlqeja një pozicion. Kryeministri shqiptar do të ishte thjeshtë një mbulesë i diskriminimit sistemor që u ndodh shqiptarëve qoftë në buxhet, në të drejta kolektive, në arsim, në infrastrukturë dhe në shumë çështje të tjera. Kjo ishte thjeshtë një lojë elektorale e BDI-së e cila ka 18 vite në pushtet dhe kishte ardhur koha që të përgjigjej për mënyrën sesi ka qeverisur.
Këto zgjedhje kanë pasur një manipulim klasik, pasi është vjedhur dhe është shantazhuar. BDI ka frikësuar me polici dhe ka blerë me para vullnetin e qytetarëve. Jo vetëm kaq, janë manipuluar edhe procesverbalet, pasi votat e hedhura në kuti nuk korrespondojnë me procesverbalët tek të cilët janë dhënë rezultatet.
Kur kryeministër i premtuar prej tyre do të shërbente vetëm si një mbulesë. Maqedonisë i ka munguar kryeministri pa një prefiks etik, pasi ka qenë vetëm për maqedonasit, dhe jo për bashkësitë etnike. Nëse do të flasim për këtë ide, për një kryeministër që do ti trajtojë në mënyrë të barabartë qytetarët e Maqedonisë së Veriut është një çështje që ja vlen që të diskutohet. Por një kryeministër që do të shërbejë vetëm si një mbulesë e diskriminimit që u ndodh shqiptarëve çdo ditë këtu unë mendoj se shqiptarët nuk e kanë të nevojshëm.”- tha Sela.
(M.Q/Faxweb.al)
Discussion about this post