Djali i ish-trajnerit të Real Madrid ka mbështetur babain e tij që të kthehet në muajt e ardhshëm dhe të drejtojë ndonjë ekip. Enzo Zidane ka konfirmuar këtë javë se babai i tij, Zinedine Zidane, do të kthehet në punë si trajner, pasi sipas tij ai e do këtë punë.
Zidane më herët është bërë subjekt kalimi te ekipi anglez i Manchester United, pasi “Djajtë e Kuq” gjenden disi në udhëkryq që nga momenti që drejtohet nga Jose Mourinho. Francezi u largua si trajneri i Real Madridit në fillim të verës, vetëm disa ditë pasi fitoi të tretën Ligë të Kampionëve me gjigandët spanjollë, shkruan SP.
Djali Enzo, i cili aktualisht luan në radhët e Rayo Majadahonda në divizionin e dytë spanjoll, ka përshtypjen se babai i tij është rifreskuar më shumë duke pasur kohë të lirë.
Në një intervistë me ‘Diario AS’, Enzo tha: “Babai im e do futbollin dhe ai e do të qënit trajner, kjo është e qartë. Është e mundshme që ai të kthehet në stërvitje së shpejti, por tani ai po pushon dhe kjo është diçka që ai duhej të bënte”. Ai shtoi: “Menaxhimi i Real Madrid ishte i bukur për të, por ishte gjithashtu jashtëzakonisht i kërkuar dhe përfshinte një punë masive, por tashmë ai po pushon”.
