Zija Çela, Besnik Mustafaj, Agron Tufa dhe të tjerë shkrimtarë i bashkohen sot Bashës

Protesta e opozitës e nisur më 8 shkurt, ka hyrë sot në ditën e 51 të saj. “Sheshi i Lirisë” ka pritur e dëgjuar ankesa dhe kritika nga grupime të ndryshme shoqërore.

Burime për “Shuplaka” bëjnë të ditur se sot do të jenë shkrimtarët, ata që në orën 11:00 do të bëhen pjesë e protestës në çadrën e lirisë, vendour rreth dy muaj më parë përpara Kryeministrisë.

Në bashkëbisedimin e sotëm do të jenë shkrimtarët, publicistë dhe krijues, si: Zija Cela, Bardhyl Londo, Parid Teferici, Prec Zogaj, Rexhep Shahu, Behar Gjoka, Izet Duraku, Agron Tufa, Besnik Mustafaj.

Deri më sot, opozita me në krye Partinë Demokratike, ka vazhduar t’i qëndrojë besnike kërkesave të tyre për zgjedhje të lira e të ndershme që konsiston në krijimin e qeverisë teknike.

(XH.A/SHUPLAKA)