Një zjarr i madh në fshatin Orosh të Mirditës vazhdon prej një jave dhe ka djegur qindra hektarë pyje. Banorët bëjnë apel për ndihmë pasi zjarri rrezikon banesa, kasha dhe varreza.
Shefi i zjarrfikësve në Mirditë Gjergj Tusha në një prononcim për “Report TV” deklaroi se në vendngjarje janë tre zjarrfikëse, 70 forca ushtarake dhe një helicopter për të vënë flakët nën kontroll. Tusha tha se pas ndërhyrjes flakët janë vënë nën kontroll.
Dëmi është i madh në pyje dhe kullota, ndërkohë që banorët kanë thënë se situata ka qenë e rrezikshme pasi kanë thënë se janë rrezikuar banesa, kasha dhe varrezat, këtë e konfirmoi edhe Tusha por tha se tani rreziku ka ikur me mbërritjen e ndihmës. Tusha tha se zjarri mund të jetë I qëllimshëm, sipas tij dikush me dashje u ka vënë flakën pyjeve. (B.H/Shuplaka)
