Zjarr masiv në malet e Strugës, digjen shtyllat elektrike, disa fshatra mbeten pa drita

Një zjarr i përmasave të mëdha ka përfshirë pasditen e sotme pyjet në Zabel të begut, që ndodhet mes dy fshatrave Dollogozhdë dhe Tatesh të Strugës.

Mësohet se zjarri ka nisur në orët e pasdites në afërsi të fshatit Novo Sellë, mirpëo për shkak erës, zjarri është shpërndarë edhe në këtë zonë dhe vjen duke u zgjedhuar gjithnjë e më shumë.

Mësohet se përveçse me flakët, banorët e këtyre dy fshatrave prej disa orësh tashmë po përballen edhe me mungesën e energjisë elektrike.

Kjo sepse zjarri ka djegur edhe shtyllat elektrike të cilat në këtë zonë janë të ndërtuara prej druri. Flakët rrezikojnë jo vetëm bimësinë, por edhe disa kasolla me bagëti në afërsi të fshatit Dollogozhd.
Ndërkohë për shkak të dëmtimit të shtyllave elektrike të cilat kërkojnë kohë të riparohen, banorët rrezikojnë të mbeten pa energji elektrike për ditë me radhë. (D.D/Shuplaka)