Zjarr masiv në një rafineri nafte, evakuohen 3.000 banorë (VIDEO)

Rreth 3.000 banorë janë evakuuar nga ambientet e një rafinerie nafte në Japoni.

Një zjarr i fuqishëm mësohet se ka përfshirë rafinerinë e naftës në qytetin Aridi, në jug të ishullit japonez Honshu.

Mediat vendase kanë bërë të ditur se tymi i dendur ka mbuluar të gjithë zonën ku ka shpërthyer zjarri, ndërkohë që shërbimet zjarrfikëse vijojnë punën për shuarjen e zjarrit.

Ende nuk dihen shkaqet e zjarrit masiv në këtë qytet, ndërkohë që deri tani nuk ka pasur raportime për viktima apo të lënduar. (XH.A/SHUPLAKA)