Zjarr ndaj policisë, vritet me plumb në kokë shqiptari në Itali

Një ngjarje e rëndë raportohet të ketë ndodhur në Ponte Felcino të Italisë, ku një shqiptar ka mbetur i vrarë me plumb në kokë.

Ngjarja ka ndodhur gjatë një shkëmbimi zjarri mes karabinierëve, policisë private dhe bashkëpunëtorëve të tij në një vjedhje të një pike “Tabacco Shop”. Mësohet se shqiptari së bashku me disa bashkëpunëtorë, në orët e para të mëngjesit pasi kishin hapur dyert e dyqanit, kishin vjedhur para, bileta “Gërvisht e fito” dhe paketa cigaresh.

Policia kishte mbërritur menjëherë në vendin e ngjarjes, pasi ishin njoftuar automatikisht nga sistemi i alarmit i montuar në këtë pikë shitjeje. Pas mbërritjes në vendin e ngjarjes, si karabinierët ashtu edhe rojët e sigurisë kanë qëlluar në drejtim të hajdutëve të cilët po largoheshin me një audi gri. Edhe pse makinës iu shpua njëra gomë, hajdutët janë larguar, ndërsa shqiptari i cili ishte në sediljen e pasme ka marrë plumb në kojkë duke gjetur vdekjen e menjëhershme.

Pas disa kilometrash, bashkëpunëtorët e shqiptarit të vrarë kanë lënë makinën dhe sendet e vjedhura dhe kanë mundur të largohen. Trupi i pajetë është gjetur nga një parukier i zonës, i cili po parkonte makinën e tij.

(B.B/ Faxweb.al)