Një zjarr masiv mësohet të ketë përfshirë gjatë natës një banesë në Gjirokastër. Mësohet se zjarri ka rënë në një banesë karakteristike pranë kalasë së qytetit.
Nga të dhënat e deritanishme, bëhet fjalë për një shtëpi në zonën e mbrojtur nga UNESCO në lagjen e Pazarit të Vjetër. Ende nuk dihet shkaku i zjarrit, por dyshohet se është shkaktuar nga telat e korrentit.
Mësohet se nuk ka të lënduar nga zjarri. Burime për një portal bëjnë me dije se banesa në fjalë është në pronësi të Gligor Hrongo, i cili ndodhet në emigrim bashkë me familjen.
Ambulanca dhe forcat zjarrfikëse janë nisur drejt vendngjarjes për të shuar flakët. (XH.A/SHUPLAKA)
