Rreth 29 emigrantë u plagosën në një zjarr që shpërtheu të shtunën më 1 qershor, në një kamp emigrantësh në qytetin boshnjak veriperëndimor Velika Kladusa, tha policia.
Të plagosurit u transferuan në spitalet në Velika Kladusa dhe në Bihacin fqinj, pas zjarrit në kampin Miral. Kampi funksionon si strehë e përkohshme për rreth 500 emigrantë, tha zëdhënësi i policisë rajonale Ale Siljdedic.
“Brigadat e zjarrit janë në vend dhe së shpejti do të bëjnë të mundur shuarjen e tij,” i tha ai Reuters.
Afër 25,000 njerëz nga Azia dhe Afrika e Veriut hynë në Bosnje nga Serbia dhe Mali i Zi vitin e kaluar dhe rreth 6,000 kanë mbërritur në vendin e varfër të Ballkanit këtë vit, sipas agjencive të sigurimit të Bosnjës.
Shumica e emigrantëve janë të vendosur në Bihac dhe Velika Kladusa, ku autoritetet thonë se burimet janë të kufizuara. Ata kanë kërkuar që banorët e tre qendrave tranzit të vendosen diku tjetër.
(F.GJ/FAXWEB.AL)
