Të paktën 9 persona kanë vdekur dhe 13 të tjerë konsiderohen të zhdukur për shkak të një zjarri në një klub nate në Oakland të Kalifornisë, në Shtetet e Bashkuara të Amerikës.
Lajmi është bërë i ditur nga agjencia Reuters, referuar të dhënave dhe mediave lokale.
Zyrtarët kanë deklaruar se i druhen një humbjeje më të madhe të njerëzve.
Zjarri ka shpërthyer gjatë një shfaqje muzikore ku më shumë se 50 njerëz ishin brenda në lokal.
Lokali zakonisht frekuentohej nga artistët, të cilin vend shumica prej tyre e përdornin edhe si atelie.
Zjarrfikësit thanë se godina nuk kishte sistem spërkatjeje me ujë.
