Para pak minutash një zjarr është regjistruar në fshatin Orman të Maliqit. Mësohet se nga flakët është përfshirë baza ushqimore për bagëtitë (kashtë dhe jonxhë), por duke qenë se vatra e zjarrit ka qenë afër dy banesave, zjarri ka rrezikuar përhapjen e mëtejshme të tij, duke rrezikuar të dy godinat.
Banorët e zonës kanë qenë ata të cilët kane njoftuar forcat e zjarrfikëses e cila ka mbërritur menjëherë në vendngjarje për të shuar flakët dhe për të lokalizuar vatrën për mos përhapje.
Pas ndërhyrjes së shpejtë, flakët janë shuar, por forcat zjarrfikëse gjenden ende në vendngjarje për të parandaluar riaktivizimin e flakëve për shkak dhe të temperaturës së lartë. Mësohet se janë regjistruar dëme te mëdha materiale ne ushqimin e bagëtive.
Nuk dihet ende shkaku i zjarrit, por pritet qe grupi hetimor të nxjerrë arsyet që kanë çuar në aktivizimin e tij.
