Vatra të tjera zjarri në vend kanë përfshirë edhe zonën e Matit, ku 4 vatra zjarri janë aktualisht aktive në malet jugore të Matit. Dy vatra janë shaqur në masivin pyjor me AH në malin e Gurrës në Bashkinë e Klosit.
Mësohet se sipërfaqja e tyre nuk është ende e madhe por flakët mund të përhapen shpejt për shkak të erës dhe temperaturave të larta.
Drejtori i Shërbimit Pyjor në Bashkinë Klos, Jetmir Reçi u shpreh se punonjësit e bashkisë po i vënë nën kontroll vatrat.
Po ashtu një tjetër vatër zjarri është aktive në malin e fshatit Frankth në njësinë Administrative Komsi në bashkinë e Matit.
Drejtues Shërbimit Pyjor në Bashkinë Mat, tha se kjo vatër është vënë nën kontroll ndërsa problem mbetet vatra e zjarrit në fshatin Madhesh të njësisë administrative Ulëz, e cila është shfaqur pas djegies në anën e Kurbinit.
Pothuajse 10 hektar i sipërfaqeve pyjore janë djegur, ndërkohë është kërkuar ndihmë nga ajri për ta shuar zjarrin pasi terreni është tepër i vështirë jo vetëm për mjetet zjarrfikëse por edhe për punonjësit.
(S.SH/Shuplaka)
https://www.youtube.com/watch?v=1Yybo6u45XI&feature=youtu.be
Discussion about this post