Në pyllin e fshatt Metoh në Mallakastër, prej dy ditësh vijojnë që të jenë aktive disa vatra zjarri. Mësohet se flakët e zjarrit kanë përfshirë një sipërfaqe me shkurre dhe pisha.
Ndërkohë në rrezik janë edhe sisa banesa pranë, të cilave flakët po u afrohen me shpejtësi për shkak të erës.
Prefekti i Qarkut Vasil Bregu tha se zjarrfikëset e kanë të vështirë të ndërhyjnë për shkak të terrenit malor. Megjithatë, zjarrfikësit si edhe banorët e fshatit po angazhohen për shuarjen e zjarrit me mjete rrethanore.
Ndërkohë, në një lidhje të drejtpërdrejtë për Report TV, kryeplaku i fshatit Riza Carku theksoi se flakët po u rrezikonin jetën atij dhe zjarrfikësve pikërisht për shkak të erës.
“Zjarrfikësit vijojnë punën për mbi tre orë. Situata është jashtë kontrollit. Tani po fryn edhe erë dhe flakët po përhapen me shpejtësi.
Njerëzit nuk rrezikohen nga zjarri, zjarrfikësja po bën çdo gjë, por është shumë e vështirë që të fiket zjarri. Janë 150 ha me pisha që janë djegur. Nuk besoj të ketë viktima, pasi i kemi numëruar banorët e fshatit. Ika unë se po më afrohen flakët” tha Riza Carku. (D.D/Shuplaka)
