Zjarr në një banesë në Elbasan, flakët rrezikojnë dhe shtëpitë e tjera

Një zjarr ka rënë në një banesë private në lagjen Belebej në Elbasan. Zjarri fillimishit ka rënë në një kasolle ngjitur, pastaj ka përfshirë dhe banesën private.

Zjarri fatmirësisht është neutralizuar në kohë pasi rrezikoheshin dhe banesa të tjera për shkak se ndodhen pranë njëra-tjetrës.

Raportohet se nuk ka dëme në njerëz, vetëm dëme materiale.

Informacion paraprak

Në lagjen ‘’Emin Matraxhiu”, Elbasan, në magazinën në pronësi të shtetasit K.Gj., ka rënë zjarr. Menjëherë në vendngjare kanë shkuar shërbimet e Zjarrfikses dhe Policisë. Nga zjarri ka vetëm dëme materiale.

Grupi hetimor ndodhet në vendgjare dhe po punon për zbardhjen e shkakut të rënies së zjarrit.