Zjarr në një banesë në Gjirokastër, në rrezik dhe disa banesa të tjera

Një zjarr ka përfshirë një banesë mbrëmjen e sotme në fshatin Saraqinishtë, në Gjirokastër, ndërsa në rrezik janë dhe disa banesa të tjera.
 
Banesa që është përfshirë nga flakët ndodhet pranë Parkut Arkeologjik të Antigonesë.
 
Po ashtu mësohet se një person që ka qenë në banesë ka arritur të dale. Zjarrfikësja ka mbërritur në vendin e ngjarjes dhe po punon për shuarjen e flakëve.
  
Ndërkohë ende nuk dihen shkaqet e zjarrit, ndërsa nga të dhënat e para dyshohet një shkëndijë elektrike. 

(S.SH/Shuplaka)