Një banesë është përfshirë nga flakët pak minuta më parë pranë godinës së fakultetit Juridik në Shkodër. Zjarri ka rënë në katin e 3-të të një pallati, ku si pasojë e flakëve ka pësuar dëmtime Esmeralda Gjinaj 18-vjeç, e cila është shoqëruar me urgjencë në spital.
Sipas burimeve, si pasojë e zjarrit 18 vjeçarja ka pësuar djegie serioze dhe është transportuar nga forcat e policisë për në spitalin e Shkodrës.
Nga të dhënat, mësohet se flakët në banesë kanë rënë si pasojë e një shkëndije elektrike ndërkohë që bëhet me dije se e dëmtuara është nga qyteti i Elbasanit dhe ndodhet për studime në Shkodër. Gjinaj ka marrë ndihmën e parë në spitalin e Shkodrës ndërkohë momentalisht është duke u transportuar për në QSUT për mjekim më të specializuar.
