Një zjarr ka përfshirë një parking në zonën pranë sheshit “Wilson” në Tiranë. Ngjarja ka ndodhur rreth orës 22:30 në rrugën “Ymer Kurti” prapa Postës 8.
Tre automjete janë përfshirë nga flakët, ndërsa ndërhyrja e banorëve për të evituar djegien ka qenë e pamundur.
Në vendin e ngjarjes kanë shkuar forcat e policisë dhe 5 zjarrfikëse që kanë lokalizuar flakët dhe po punojnë për shuarjen e tyre. Por tymi ka hyrë edhe brenda një pallati më afër parkingut dhe policia dhe zjarrfikësit po evakuojnë banorët pasi rrezikojnë të asfiskohen.
Sipas informacioneve të Balkanweb, zjarri ka përfshirë edhe makinën e këngëtarit Flori Mumajesi.
Informacionet më të fundit flasin për një zjarr të qëllimshëm, por ende asgjë nuk është konfirmuar nga organet kompetente.
Raportohet se nga kati i tretë i godinës pranë parkingit është nxjerrë një person i asfiksuar, i cili është dërguar në spital. (A.R/SHUPLAKA)
