Të paktën 22 persona e kanë humbur jetën nga zjarri që shpërtheu në një restorant në rajonin Liaoning në veri të Kinës.
Sipas lajmit të Xinhua, zjarri shpërtheu në orët e drekës në një restorant në qytezën Baota të rajonit.
Si pasojë e zjarrit humbën jetën 22 persona ndërsa tre të tjerë u plagosën.
Arsyeja e zjarrit nuk dihet ende, ndërkohë theksohet se vazhdon hetimi lidhur me ngjarjen.
Presidenti i Kinës, Xi Jinping dha udhëzim për trajtimin e të plagosurve sa më shpejt të jetë e mundur, sigurimin e mbështetjes së nevojshme për familjet e 22 personave që humbën jetën dhe zbardhjen sa më parë të shkakut të zjarrit si dhe ndëshkimin e përgjegjësve sipas ligjit.
