Temperaturat e larta vazhdojnë të sjellin zjarre të përmasave të medha, një i fundit ka shpërthyer mesditën e sotme në pyjet të fshati Babje, në Librazhd.
Mësohet e përmasat e zjarrit sa vijnë e rriten, ndërsa për të shuar flakët kanë dalë në aksion edhe banorët e zonës dhe punonjës të shërbimit zjarrfikës.
Ndërkohë për shkak të terrenit të vështirë është e pamundur ndërhyrja me mjete, gjithashtu deri më tani zjarri është përhapur në një sipërfaqe prej 2 hektaresh, ndërsa shkaqet e tij janë ende të paqarta.
Kryebashkiaku i Librazhdit, Kastriot Gurra deklaron për “BË”se situata e krijuar është mjaft problematike dhe se vetëm një ndërhyrje nga ajri do të shuante flakët e mëdha që po përhapen me shpejtësi.
“Vetëm ndërhyrja nga ajri mund të shmangë përmasat e dëmit katastrofik në ekonominë pyjore të Babjes. Terreni i vështirë nuk lejon ndëhyrjen e mjeteve të shërbimit zjarrfikës. Ky është zjarri me përmasat më të mëdha gjatë kësaj vere në pyjet e Librazhdit”,Tha Gurra.
(S.SH/Shuplaka)
