Një ngjarje e rëndë ka ndodhur këtë mëngjes rreth orës 06:00 në shtëpinë e të moshuarve në Poliçan. Dy prej të moshuarve që ishin pjesë e kësaj qendre kanë vdekur si pasojë e një zjarri që ka përfshirë banesën.
Ka qenë një batanije ajo që ka marrë flakë fillimisht dhe më pas tymi ka asfiksuar dy të moshuarit. Dy personat që kanë ndërruar jetë janë identifikuar si T.S 84 vjeç dhe M.K 81 vjeç.
Kur u duk se dimri tashmë kishte kaluar, i ftohti dhe nevoja për të pasur një ngrohëse në dhomë duket se ka qenë fatale për dy të moshuarit.
Ndërkaq policia e Beratit ka shkaur në vendngjarje dhe po punon për zbardhjen e plotë të shkaqeve që kanë çuar në këtë ngjarje fatale. (E.K/SHUPLAKA)
Discussion about this post