Një zjarr ka përfshirë vendgrumbullimin e mbeturinave në fshatin Hardhishtë, në bashkinë Shijak, mesnatën e kaluar.
Pas disa orësh ndërhyrje, forcat zjarrfikëse dhe policia, bën të mundur lokalizimin dhe më pas shuarjen e flakëve. Nuk raportohet për rrezik ndaj banesave apo bizneseve, pasi zjarri ka qenë i lokalizuar larg perimetrit të zonës së banuar.
Po punohet për identifikimin e shkaqeve dhe autorit, në rast se zjarri ka qenë i qëllimshëm për asgjësimin e mbetjeve apo aksidental.
