Flakëve të zjarrit ditën e sotme nuk i ka shpëtuar as Parku i liqenit Artificial këtu në kryeqytet.
Prej disa minutash një sipërfaqe me shkurre ka marrë flakë, ndërkohë që në vendngjarje kanë shkuar disa forca zjarrëfikëse.
Paraprakisht zjarri mendohet të ketë qenë i qëllimshëm, ndërkohë që Policia ka arrestuar personin e dyshuar për zjarrëvënie.
Fatmirësisht sipas autoriteteve nuk ka rrezik për banesat aty pranë, pavarëisht afërisë që kanë flakët me ndërtesat. Deri më tani mësohet se autori I dyshuar është Arben Gurra, i cili ka qenë në gjendje të dehur.
Po ashtu gjatë mëngjesit të sotëm vatra zjarri janë shfaqur dhe në zonën turistike të ‘’Syrit të Kaltër’, sa është dashur ndërhyrja e helikopterëve për të shuar flakët. Sakaq temperaturat vijojnë ende të jenë të larta duke e rrezikuar ndjeshëm të gjithë vendin.
(E.K/SHUPLAKA)
