Zjarre masive në Kaliforni, 5 persona humbin jetën, në rrezik mijëra banorë

Kalifornia është përfshirë sërish nga zjarret masive. Mijëra banorë në Los Angeles u urdhëruan të largohen menjëherë nga banesat për shkak të flakëve që përparuan me shpejtësi të ndihmuara edhe nga erërat e forta.

Sipas burimeve të para të paktën 5 persona kanë humbur jetën,  ndërkohë që 3 zjarrfikës kanë mbetur të lënduar.

Një tjetër zjarr shpërtheu ndërkohë edhe në Kaliforninë veriore, duke gllabëruar hektarë tokë. Paradise, një qytet i vogël në Kaliforni më 27 mijë banorë, është gati e gjitha e shkatërruar.

Më shumë se 157 mijë njerëz të detyruar të largoheshin nga shtëpitë e tyre për të shpëtuar. Guvernatori i Kalifornisë, Gavin Neësom, ka shpallur kështu një gjendje emergjente, e cila lejon dhënien e ndihmës në zonat e prekura.

Në dy vitet e fundit Kalifornia është bërë viktimë e zjarreve masive, si pasojë e tyre kanë humbur jetën disa dhjetëra civilë e zjarrfikës.

(M.Q/Faxweb)