Flakët e zjarrit që kanë pushtuar vendin kanë bërë që autoritetet e Maqedonisë të shpallin gjendje të jashtëzakonshme në një rajon malor jugperëndimor.
Gjendja emergjente është shpallur ditën e djeshme nga ministri i brendshëm i Maqedonisë, Oliver Spasovski.
Për rreth 2 javë zjarrfikësit dhe vullnetarët janë përpjekur t’i vënë nën kontroll zjarret në disa rajone të Maqedonisë.
Ndërkohë që janë kërkuar helikopterët për hedhje të ujit , pasi zjarret janë intensifikuar në pjesën jugperëndimore dhe kjo ishte rrezik për shtëpitë, që ndodheshin kryesisht në fshatrat malore.
(S.SH/Shuplaka)
