Këtë sezon veror i gjithë vendi nga veriu në jug është përfshirë nga zjarre masive. Situatë e cila nuk është pasqyruar vetëm nga mediat shqiptare, por së fundmi edhe nga ato amerikane.
Rrjeti mediatik CNN ka publikuar në Instagram një foto nga zjarri në Qafë Muzinë të Sarandës, që këto ditë u kthye në një rrezik serioz banorët.
“Zjarr në një pyll pranë Sarandës në Jug të Shqipërisë. Zjarret në pyje janë përhapur në gjithë Shqipërinë, më së shumti në zona të largëta ose të vështira për tu arritur, pasi vendi po përballet me temperatura të nxehta”, shkruan CNN krahas fotos së realizuar nga Gent Shkullaku.
Përveç CNN-it, të njëjtin zjarr ka paraqitur edhe revista “TIME” e cila shkruan: “Flaka dhe tymi rriten nga një zjarr pyjor pranë Sarandës në rajonin malor të Muzinës, në Shqipërinë e Jugut më 9 gusht 2017. Zjarret në pyje janë përhapur në të gjithë Shqipërinë, shpesh në vende të vështira dhe të largëta, ndërkohë që vendi dhe të tjerë në të gjithë Evropën janë përfshirë nga një valë e pazakontë e nxehtësisë. Fotografi nga Gent Shkullaku”. (D.D/Shuplaka)
[ngg_images source=”galleries” container_ids=”2607″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post