Pothuajse i gjithë vendi është përfshirë nga flakët, si pasojë e temperaturave të larta, në lidhje me këtë situatë të krijuar ka reguar edhe Krytari i grupit parlamentar, Petrit Vasili.
Vasili thotë zjarre të frikshme po asgjesojnë pasuri natyrore dhe prona të qytetarëve, po ashtu ngre pyetje se ku është qeveria, pse nuk e shpallet gjendja e jashtëzakonshme.
“Situatë e jashtëzakonshme, Shqipëria në flakë.
Zjarre të frikshme që po asgjesojnë pasuri natyrore dhe prona të qytetarëve.
Aleanca e kryeministrit me qytetarët thjesht një demagogji mizore, hipokrite, frikacake.
- Ku është qeveria?
2. Pse nuk shpallet gjendja e jashtëzakonshme?
3. Ku është shtabi qeveritar i emergjencës?
4. Ku është shteti që, në këto ditë të rënda, duhej të ishte i gjithi në këmbë?
Apo le të digjet vendi dhe pastaj vjen kryeministri për ngushëllim dhe qan me kujë?
Shqipëria digjet, kryeministri krihet.
“Deri kur kështu ma?”, thoshte Migjeni i madh”, thotë Vasili. (S.SH/Shuplaka)
