Zjarri i madh që ka përfshirë mbrëmjen e djeshme Tropojën, përveç dëmeve të konsiderueshme në dhjetra hektarë pyje të djegur duket se ka rrezikuar edhe vetë jetën e banorëve.
Sipas burimeve, vetë banorët e zonës shprehen se flakët kanë rrezikuar disa banesa, megjithatë nuk ka patur një ndërhyrje nga zjarrfikëset.
Banorët shprehen se në fshatin Pac, gjysma e popullësisë është e rrezikuar në këto momente nga flakët. Sipas tyre edhe në fshatin Margegaj është po ashtu e njëjta situatë.
Në një denoncim për Fax News, ata thonë se shteti nuk ka marrë masa për këtë situatë emergjente. Të irrituar, ata shprehen se nuk mund të bëjnë dot shumë për shuarjen e flakëve pa ndihmën e autoriteteve.
Banorët bëjnë thirrje për ndihmë pasi sipas tyre situata në dy fshatrat Pac dhe Margegaj është tejet e jashtëzakonshme.
Ata thonë se rrezikohen shtëpi e banorë të ktyre fshatrave dhe se zjarri është shumë afër shtëpive.
Discussion about this post