Një zjarr i shkrumboi plotësisht shtëpinë familjes Karamuça në Elbasan, e cila prej 10 ditësh ishte duke qendruar në qiell të hapur.
Sabri dhe Shefikat Karamuça bashkë me djalin 13 vjeçar me probleme shëndetësore kanë apeluar për ndihmë pasi jetojnë mes varfërisë dhe skamjes.
Në ndihmë të familjes Karamuça ka ardhur Drejtori i IEVP Rrogozhinë, Bilal Hasa, i cili ju ka siguruar një banesë me qera.
Lajmin e mirë e ka bërë të ditur vetë drejtori Hasa në rrjetet sociale ndërsa fton edhe bamirës të tjerë të zonës që ta ndihmojnë familjen Karamuça për ndërtimin e një banese të re.
“Mbështetja dhe përkrahja 🤝 në rast fatkeqësish është mjaft e rëndësishme që një njeri të fitojë forcën e duhur në zemrën e tij për të përballuar boshllikun e humbjes..
Për tju gjendur pranë kësaj familjeje që humbën shtëpinë 🏠 nga zjarri i rënë edhe pse jetonin në kushte të vështira ,kam vendosur që ti suportoj nga ana financiare me anë të biznesit familjar 🏦🍀,duke i strehuar në një shtëpi me qera..Shpresoj që me ndihmën dhe përkrahjen e duhur ta ndihmojmë këtë familje ,në ndërtimin e një shtëpie të re 🏠 sa më shpejt..
Falenderimi i takon Allahut ☝🏻🤲🏻 që na jep bereqet dhe mundësinë për të ndihmuar ata që kanë nevojë..”, shkruan drejtori i IEVP Rrogozhinë Bilal Hasa, duke e shoqëruar me një foto nga shtëpia e re ku Familja Karamuça do të kalojë deri në ndërtimin e një banesë të re.
Dy kryefamiljarët janë të papunë, kryefamiljari Sabriu dhe djali vuajnë nga një sëmundje, ndërsa familja nuk përfiton asnjë nga ndihmat sociale, duke bërë të jetojë në kushte të vështira.
Discussion about this post