Një zjarr i madh ka përfshirë një stacion policie në Egjipt dhe ka lënduar të paktën 38 persona. Zjarrfikësit arritën që të ndalin flakët në objektin policor dhe spitalet lokale janë vënë në gatishmëri. Burime të mbrojtjes civile thanë se zjarri ka shkaktuar shembjen e pjesëve të selisë së Drejtorisë së Sigurisë.
Ministria e Shëndetësisë e Egjiptit ka dërguar 50 ambulanca dhe 2 avionë ushtarakë në ndërtesë. Ekziston frika se numri i personave të plagosur mund të jetë më i lartë.
Dy dëshmitarë që folën për agjencinë e lajmeve Reuters thanë se zjarrfikësit fillimisht u përpoqën për të vënë zjarrin nën kontroll, por mediat lokale thonë se pas më shumë se tre orësh ata arritën ta ndalnin atë.
Zjarret vdekjeprurëse nuk janë të rralla në Egjipt për shkak të mosreagimit emergjent. Në Gusht të vitit të kaluar, një zjarr i shkaktuar nga një qark i shkurtër vrau 41 persona në një kishë.
