Ditën e sotme situate paraqitet mjaft e tensionuar në jug të vendit, për shkak të zxjarreve që kanë përfshirë disa zona.
Kryetari i Bashkisë së Finiqit, Leonidha Kristo flet për situatat emergjentenë një prononsim për Ora News, ku shprehet se situata më kritike paraqitet në fshatin Dhrovjan.
Kristo tha se janë dy vatra zjarri aktualisht një në Kakodhiq dhe tjetra në fshatin Dhrovjan, ku sipas tij në fshatin e dytë zjarri ka dalë jashtë kontrollit.
Për të përballuar situatën janë sjellë edhe 2 avionë nga Greqia për të shuar flakët dhe deri më tani janë djegur rreth 500 ha nga të cilat 150 ha tokë private dhe tjetra kullotë.
Sipas kryebashkiakut, bashkia e ka strukturën e shërbimit të zjarrëfikëses por nuk ka mjete në dispozicion.
Pas kësaj situate emergjente, Kristo tha se ka bërë një kërkesë në shërbimin zjarrëfikës të Athinës në mënyrë që edhe bashkia të pajiset me një zjarrfikëse. (D.D/Shuplaka)
Discussion about this post