Pak minuta më parë u njoftua se aviioni i linjës Ankona për në Tiranë, është detyruar që të bëjë ulje emergjente në aeroportin e “Sanzio Falconara”. Ngjarje kjo që ka shkaktuar jo pak panik te rreth 68 pasagjerët që janë ndodhur në bordin e tij.
Mediat italiane bëjnë me dije se pavarësisht tymit që ka dalë nga kabina e pilotëve çdo gjë është zgjidhur në pak minuta.
Paraprakisht mësohet se tymi kishte dalë si rezultat i një shkëndije në një qark të shkurtër elektrik.
Ndërsa njëri prej pasagjerëve të papranishëm në bordin e aeroplanit ka rrëfyer ngjarjen për Opinion.al, ku është shprehur:
“Vetëm 15 minuta pasi jemi nisur nga aeroporti i Ankonës konstatuam erë të djegur në bordin e avionit. Biletat i kishim prerë me Blu Panorama, por avioni ishte i Ernest Fly, pasi Blu Panorama operon me këtë kompani.
Ekuipazhi na informoi se kemi probleme, dhe se flaka kishte rënë në kabinë, ndaj duhet të kthehemi. Në aeroport na kanë pritur zjarrfikëset. Mes pasagjerëve kishte tension të madh, disa filluan të qanin”, dëshmon një prej pasagjerëve.
(E.K/SHUPLAKA)
