Dy shpërthime të fuqishme janë dëgjuar para pak minutash në autostradën Lezhë-Laç, në vendin e njohur si “Kryqëzimi i Shënkollit” nga ku më pas, janë parë flakë të dendura që kanë përfshirë një pikë karburanti.
Na informacionet bazuar në burimet për Faxweb.al bëhet me dije se janë plagosur të paktën 6 persona njëri 1 të cilëve janë nisur drejt repartit të djegieve në Spitalin e Traumës në Tiranë, ndërsa 5 të tjerë janë dërguar me urgjencë drejt spitalit të Lezhës për të marrë ndihmë mjekësore.
Personat që ndodhen në Spitalin e Lezhës raportohet se janë jashtë rrezikut për jetën ndërsa për personat që janë nisur drejt Tiranës thuhet se gjendja e tyre është e rëndë. Ndërsa mësohet gjithashtu se fillimisht ka shpërthyer autoboti i karburantit por nuk specifikohet nëse zjarri ka prekur edhe pikën e karburantit pasi autoboti ka qenë i parkuar dhe i mbushur me lëndë gazi. Vendi ku ndodhet karburanti ka pranë edhe një restorant por nuk dihet nëse nga personat e plagosur ka edhe nga stafi i tij.
Gjithashtu pranë karburantiot ka edhe banesa banorët e të cilave kanë nisur të evakuohen. Ndërsa nga njoftimi zyrtar i autoriteteve mësohet se situata është vendosur nën kontroll.
Forca të shumta policie kanë mbërritur në vendin e ngjarjes, ndërsa shërbimi i zjarrëfikëses po punon për shuarjen e flakëve.
“Zjarrfikset kane vene nen kontroll zjarrin te karburanti. Eshte shmangur plotesisht rreziku i perfshirjes nga flaket i depozitave te karburantit. Nga shperthimi i bombules se gazit ne karburant jane lenduar 6 persona.. Njeri prej tyre po transportohet per ne Tirane ne repartin e djegies.
5 te plagosurit e tjere jane jashte rrezikit per jeten. Zjarrëfikësit po punojnë për elemimin e plotë te zjarrit. Sherbimet e policise kane vendosur perimeter sigurie dhe kane larguar gjithe njerezit perrreth karburantit”, njofton policia.
Nuk dihet momentalisht rreth dëmeve materiale që janë shkaktuar por gazetari i Fax News, Martin Marku raporton paraprakisht se disa makina të cilat ndodheshin të parkuara janë dëmtuar, përveç materialeve që i përkasin biznesit në fjalë.
(F.GJ/FAXWEB.AL)
