Prej dy ditësh flakët e zjarrit kanë përfshirë disa sipërfaqe pyjore në afërsi të parkut kombëtar të Llogarasë. Pavarësisht ndërhyrjeve nga toka dhe nga ajri, zjarri vijon të jetë aktiv.
Mësohet se dhjetëra hektarë pyje dhe shkurre në zonën e Dukatit janë përfshirë nga flakët, ndërsa rrezikohet edhe Parku i Llogorasë.
Lidhur me situatën ka reaguar kryebashkiaku i Vlorës, Dritan Leli, i cili po ndjek nga afër situatën. Sipas tij situata është nën kontroll dhe banesat nuk janë të rrezikuara nga flakët.
“Situata është në kontroll, po punohet me mbështetjen e FA-së dhe zjarrfikësve, janë 100 trupa në terren, po vijnë edhe 100 të tjerë. Deri tani nuk duket që të ketë rrezik për shpërndarje të zjarrit në parkun e Llogarasë. Është djegur një sipërfaqe e madhe e pyllit, por flakët po dominohen, po punohet ditë e natë, dy helikopterë janë duke u përpjekur për të shuar zjarrin dhe them që nga nesër të ketë dislokim më të fortë të trupave dhe një punë më impenjative. Deri tani banesat dhe qytetarët nuk rrezikohen. Po hetohet, pasi zjarrvënia dyshohet se ka qenë e qëllimshme”, deklaroi Leli.
Sakaq kujtojmë se zjarri u arrit të vihej nën kontroll rreth orës 04:00 të mëngjesit tëditës së sotme, por ka nisur sërish të përhapet.
Për të shuar flakët janë vënë në punë jithë reparti zjarrfikës, efektivë të FA-së dhe dy helikopterë të ushtrisë. (D.D/Shuplaka)
Discussion about this post