Një lokal është përfshirë nga flakët gjatë natës së sotme në qytetin e Durrësit. Restoranti ndodhet në rrugën “Pavarësia”.
Forca të shumta policore dhe zjarrfikëse kanë mbërritur në vendngjarje dhe kanë bërë të mundur shuarjen e flakëve të zjarrit.
Fatmirësisht nuk ka pasur persona të lënduar por vetëm dëme të shumta materiale. Mësohet se restoranti është në pronësi të një shqiptari të Maqedonisë.
Paraprakisht dyshohet se zjarri ka ardhur si pasojë e një shkëndije elektrike nga frigoriferi që ndodhej në restorant.
Njoftimi i policisë;
Më datë 10.07.2017 , rreth orës 04:30, në lagjen Nr. 13 Durrës ka rënë zjarr në lokalin e shtetasit Xh. I. 36 vjeç.
Nga veprimet e para hetimore dyshohet se shkak ka qenë një shkendijë elektrike tek frigoriferi.
Për pasojë janë shkaktuar dëme të vogla materiale.
