Detaje të reja janë bërë të ditura lidhur me zjarrin që shkrumboi ditën e djeshme një pallat në qytetin e Gramshit. 8 apartamente u raportua një natë më parë se u shkrumbuan, ndërkohë që nga informacionet paraprake u fol se shkak i zjarrit ishte bërë shpërthimi i një bombole.
Përmes një njoftimi zyrtar, policia ka bërë me dije detaje të reja. Referuar këtyre burimeve, mësohet se shkak i zjarrit është bërë soba me dru e një prej banesave të pallatit në lagjen “18 gushti” në Gramsh.
Bëhet me dije gjithashtu se është kryer evakuimi i shtetases të moshuar, me iniciale R. D. 75 vjeçe.
“Ka pasur vetëm dëme materiale, ku janë djegur 6 banesa.”, bëhet ndër të tjera në njoftimin e policisë. (XH.A/SHUPLAKA)
