Një banesë është përfshirë nga flakët mëngjesin e sotëm në Shkodër. Zjarri është përhapur në të gjithë sipërfaqen e banesës në Parrucë.
Mësohet se nga zjarri fatmirësisht nuk ka të lënduar dhe se po punohet për shkaqet që kanë çuar në djegien e banesës.
Familjarët kanë mundur të nxjerrin jashtë disa prej sendeve që gjendeshin në banesë në momentin që filluan flakët. 3 zjarrëfikëse të qytetit të Shkodrës u angazhuan për shuarjen e flakëve të këtij zjarri. (E.K/SHUPLAKA)
