Nga një zjarr i madh që ka rënë në New York deri më tani raportohen paktën 12 të vdekur dhe 15 të plagosur. Mësohet se një zjarr ka rënë në një ndërtesë në lagjen Bronks ndërsa shkaqet e tij nuk dihen ende. Mes viktimave është një fëmijë më pak se një vit por bilanci është ende provizor.
Kryebashkiaku Bill De Blasio ka mbërritur menjëherë në vendin e tragjedisë: “Zjarri më i keq i ndodhur në qytet Ky rast do të shënojë një ndër rastet me më shumë viktima nga zjarri në disa vite. Kjo është tragjedia më e madhe e zjarrit që e kemi parë në qytet, në të paktën një çerek shekulli”, ka thënë ai. Viktimat kanë qenë të moshës nga një deri në më shumë se 50 vjet, ka deklaruar de Blasio.
Sipas mediave amerikane zjarri shpërtheu në veri të New Yorkut dhe ka shkatërruar një ndërtesë 5 katëshe në ‘Prospect Avenue” në Bronx.
“Zjarri nisi në katin e parë dhe u shpërnda me shpejtësi në katet e sipërme. Njerëzit nuk kishin shpëtim”, tha shefi i Departamentit të Zjarrfikësve të New York City Daniel Nigro. Në vendngjarje ka pasur më shumë se 160 zjarrfikëse që ka shuar flakët. (J.V/Faxweb)
