Në stadiumin e Shkupit mes tifozëve gjendet edhe kryeministri i Maqedonisë Zoran Zaev, i cili po ndjek ndeshjen e sotme mes Real Madrid dhe Manchester United.
Pranë tij shihet edhe kryetari shqiptar i Parlamentit të Maqedonisë Talat Xhaferi, i cili njëlloj si kryeministri duken të emocionuar për ndeshjen.
Kujtojmë se ndeshja ka filluar në orën 20:45 minuta, ndërkohë që ende nuk është shënuar asnjë gol. “Galatikët” e drejtuar nga Zinedin Zidan dëshirojnë që sonte të vulosin për të katërtën herë emrin e tyre në historinë e këtij trofeu, ndërsa Manchester United shpreson që “Superkupa e Europës” të bëhet e tyre për të dytën herë që prej vitit të largët 1991.
Zinedin Zidan ka zgjedhur që në fushë të këtë: K.Navas, Carvajal, Sergio Ramos, Varane, Kroos, Benzema, Modriç, Bale, Marcelo, Casemiro, Isco.
Ajo që bie në sy nga kjo listë është se Cristiano Ronaldo nuk do ta nis nga fillimi takimin, por në stol.
Ndërkohë Jose Mourinho ka zgjedhur: De Gea, Valencia, Lindelof, Smalling, Darmian, Matiç, Ander Herrera, Pogba, Nikhitaryan, Lingard, Lukaku.
Trajneri portugez ka preferuar të aktivizojë tre blerjet e reja gjatë kësaj merkatoje vere, Lindelof, Matiç dhe Romelu Lukakun. (D.D/Shuplaka)
[ngg_images source=”galleries” container_ids=”2590″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post